Liber Carminum

* Tanaquil Sergius

Liber Carminum

Tanaquil's Poetry Book

May 29 , 2006

M.Valerius Martialis, Ep. I, 10

Posted at 07:00 EST

Just for the fun of it, an epigram by M. Valerius Martialis (ca. 40-103 CE), one of Rome's prime writers of short and pointy poetry:

Martialis, Ep. I, 10:

Petit Gemellus nuptias Maronillae

et cupit et instat et precatur et donat.

Adeone pulchra est? Immo foedius nil est.

Quid ergo in illa petitur et placet? Tussit.

Gemellus seeks to marry Maronilla,

and longs for her, insists, begs and gives gifts.

Is she that pretty then? On the contrary, nothing is more horrible.

What then does he seek and love in her? She has a cough.

April 6 , 2005

Vergilii Aeneis, Liber I, 1-33

Posted at 11:00 EST

Arma virumque cano, Troiae qui primus ab oris
Italiam, fato profugus, Laviniaque venit
litora, multum ille et terris iactatus et alto
vi superum saevae memorem Iunonis ob iram;
multa quoque et bello passus, dum conderet urbem, 5
inferretque deos Latio, genus unde Latinum,
Albanique patres, atque altae moenia Romae.
Musa, mihi causas memora, quo numine laeso,
quidve dolens, regina deum tot volvere casus
insignem pietate virum, tot adire labores 10
impulerit. Tantaene animis caelestibus irae?

Urbs antiqua fuit, Tyrii tenuere coloni,
Karthago, Italiam contra Tiberinaque longe
ostia, dives opum studiisque asperrima belli;
quam Iuno fertur terris magis omnibus unam 15
posthabita coluisse Samo; hic illius arma,
hic currus fuit; hoc regnum dea gentibus esse,
si qua fata sinant, iam tum tenditque fovetque.
Progeniem sed enim Troiano a sanguine duci
audierat, Tyrias olim quae verteret arces; 20
hinc populum late regem belloque superbum
venturum excidio Libyae: sic volvere Parcas.
Id metuens, veterisque memor Saturnia belli,
prima quod ad Troiam pro caris gesserat Argis—
necdum etiam causae irarum saevique dolores 25
exciderant animo: manet alta mente repostum
iudicium Paridis spretaeque iniuria formae,
et genus invisum, et rapti Ganymedis honores.
His accensa super, iactatos aequore toto
Troas, reliquias Danaum atque immitis Achilli, 30
arcebat longe Latio, multosque per annos
errabant, acti fatis, maria omnia circum.
Tantae molis erat Romanam condere gentem!

direct text source: http://www.thelatinlibrary.com/verg.html
translation: http://www.users.globalnet.co.uk/~loxias/aeneid1.htm
Secundary information: http://ancienthistory.about.com/library/weekly/aa030500b.htm

November 17 , 2004

P. Ovidi Nasonis Amores I, 5

Posted at 08:00 EST

This poem is about joyful love on a hot summer's eve. It has been composed by the tenerorum lusor amorum, P. Ovidius Naso.

Aestus erat, mediamque dies exegerat horam;

adposui medio membra levanda toro.

pars adaperta fuit, pars altera clausa fenestrae;

quale fere silvae lumen habere solent,

qualia sublucent fugiente crepuscula Phoebo,

aut ubi nox abiit, nec tamen orta dies.

illa verecundis lux est praebenda puellis,

qua timidus latebras speret habere pudor.

ecce, Corinna venit, tunica velata recincta,

candida dividua colla tegente coma--

qualiter in thalamos famosa Semiramis isse

dicitur, et multis Lais amata viris.

Deripui tunicam--nec multum rara nocebat;

pugnabat tunica sed tamen illa tegi.

quae cum ita pugnaret, tamquam quae vincere nollet,

victa est non aegre proditione sua.

ut stetit ante oculos posito velamine nostros,

in toto nusquam corpore menda fuit.

quos umeros, quales vidi tetigique lacertos!

forma papillarum quam fuit apta premi!

quam castigato planus sub pectore venter!

quantum et quale latus! quam iuvenale femur!

Singula quid referam? nil non laudabile vidi

et nudam pressi corpus ad usque meum.

Cetera quis nescit? lassi requievimus ambo.

proveniant medii sic mihi saepe dies!

Translations in English and Dutch

March 31 , 2004

A gift

Posted at 05:00 EST

Today, I received this nice gift from Senex Caecilius and I would like to share it with you, *s*. Thanks, magister carminum!

Tibi Gratias Agimus

Higgledy-Piggledy

Tanaquil Sergia,

Scriba et magistra,

Callida est.

Thanks to her efforts,

we Latin_linguistically

Practice with quizzes from

One of the best.

Senex Caecilius

February 23 , 2004

Carmen Catulli

Posted at 12:00 EST

Vivamus, mea Lesbia, atque amemus

rumoresque senum severiorum

omnes unius aestimemus assis!

Soles occidere et redire possunt;

nobis cum semel occidit brevis lux,

nox est perpetua una dormienda

Da mi basia mille, deinde centum;

dein mille altera, dein secunda centum;

deinde usque altera mille, deinde centum.

Dein, cum milia multa fecerimus-

conturbabimus illa, ne sciamus,

aut ne quis malus invidere possit,

cum tantum sciat esse basiorum.

C. VALERIVS CATVLLVS

August 27 , 2003

Carmen Hadriani

Posted at 13:00 EST

Animula vagula blandula,

Hospes comesque corporis,

Quae nunc abibis in locos

Pallidula rigida nudula,

Nec ut soles dabis iocos...

P. Aelius Hadrianus Imp.Caes.PP

Calendar

Search "Liber Carminum"